蒙嘉慧做反派受歡迎大把人吼
藝人蒙嘉慧（Yoyo）、胡定欣、張燊悅昨日出席護膚品牌活動。Yoyo於《誘情轉駁》中飾演反派，她表示：「尋日收到朋友嘅電話，話我演得好恐怖、好狠。（男友伊健有冇睇？）佢得閒睇吓，尋日打嚟話有睇，話做得幾好。得到人哋嘅肯定，辛苦都係值得。」
她笑言世界正在轉變，即使演反派亦很多人喜歡：「好似有記者話我提早衰老，就有好多公司打嚟畀我，畀我試用好多唔同product。（唔打botox？）我抗拒打嘢入塊面度，都係天然好啲。」問到她跟TVB是否約滿？她回應：「只係轉咗合作形式。TVB一日用我，我都係TVB嘅。」
同場的張燊悅表示活動後，要回家包雲吞給女兒吃。問到她有沒有打算多生一個男孩？她回應：「我自己鍾意女。就算再生都唔會即刻，想隔耐啲先。長輩都冇畀壓力。」