林莉輸凸心情差

Mandy Lieu自從與陳柏霖甩拖後,未有因此自暴自棄,反而積極投入工作,聲言冇拖拍都好開心,雖然昨日她有少少感冒,但依然以性感低胸裝上陣,反而一向性感的林莉,卻因心情差收埋一對「咪咪」!

Mandy Lieu、林莉、黃婉佩、詩雅、吳日言等昨日出席活動,近日為電視台邀請拍日本旅遊特輯的Mandy,表示自己過去幾個月去了日本不少地方,雖然現時還有少少感冒底未清,但昨日依然低胸裝上陣,唔怕冷親心口,她表示自己亦即將繼續去其他地方拍節目,更覺得自己過去一年非常Lucky,至於有否再拍拖?她笑笑口說:「真係冇,順其自然啦!」

搵師傅睇運程

另一邊廂的林莉卻穿得十分密實,一改性感作風,她說:「其實睇工作需要,我唔係胸前偉大嘅人!今日騷自己嘅強項(長腿)!」問到她是否因應酬勞才會性感?她說:「唔係睇酬勞,反而係睇心情!」至於是否心情唔OK?她說:「少少啦!」

林莉解釋心情差全因近日在工作上跟工作人員出現意見分歧,她承認是個人要求太高,太積極關係,容易令身邊人感到不愉快,她說:「我都有阿Q精神,會好快冇事,不過唔緊要啦,我啱啱先搵咗個師傅睇運程,佢都話我今年冇嘢,會好好,算係一個安慰。」最近她忙於為自己的月曆簽名,為求每個簽名都很靚,致通宵達旦也在所不計,可見她對自己也要求很高。

文:名人組

聖誕假期去邊度玩?
即上on.cc東方互動《享樂聖誕2010》專輯,為您一站式搜羅各類聖誕消費情報!