Eason Kay有避而來勉強行埋

緋聞男女陳奕迅(Eason)及謝安琪(Kay)前晚同場宣傳電影,片中兩人沒有對手戲,現實生活中亦非常避忌,Kay寧願黐實人形公仔避Eason,至活動尾聲才肯合照。

曾志偉兒子曾國祥與尹志文首次執導的電影《戀人絮語》,前晚在尖沙咀舉行首映,一眾演員陳奕迅、謝安琪、陳偉霆、陳家樂等出席宣傳,志偉亦抽空到場力撐乖仔。有份主演的林嘉欣未有返港,已為人母的她事先錄好聲帶講感受,她說:「唔好意思,見證唔到呢個電影嘅BB出世,好懷念拍戲嘅日子,恭喜兩位導演,遲啲香港見。」

慨嘆床戲被刪走

曾傳緋聞的Eason與Kay全晚頗為避忌,三催四請仍不肯合照。問Eason是否與Kay有芥蒂?他即指大家「諗多咗」,並回頭向相隔三米的Kay說:「你避我咩?」實行以行動闢謠,至活動尾聲,兩人才肯「行埋」合照。

Eason表示戲中主要跟林嘉欣及范曉萱做對手戲,對於嘉欣缺席,他體諒地說:「咁我咪幫手做多啲宣傳囉!外國空氣好,小朋友都開心啲,做媽咪好偉大o架!不過就算佢喺度,都係我搶晒嘢講o架啦!我哋都有場『床上戲』,幾Sweet!不過被剪走咗,可能唔想套戲節奏慢。」身穿夾綿外套加灰衫灰褲的Eason被嘲是睡衣Look,他即搞笑地說:「咩呀!名牌嚟o架!兩萬幾蚊!」

「飾演」彭于晏的人形公仔亦被搬上台與Kay合照,Kay大讚「A貨彭于晏」正直:「佢好正直,因為成日企得好直,而且目不斜視,好掛住佢!」

率世界一姐入場

另外,Eason昨日為「香港網球精英賽2011」擔任開幕禮嘉賓,率領世界「一姐」丹麥美少女禾絲妮雅琪領軍的歐洲隊入場,全場掌聲雷動。Eason與禾絲妮雅琪不但有講有笑,更留下欣賞歐洲隊和亞太隊的重頭戲。至於腹大便便的2R成員Rosanne則與牙醫老公結伴欣賞球賽。

文:影視組

聖誕假期去邊度玩?
即上on.cc東方互動《享樂聖誕2010》專輯,為您一站式搜羅各類聖誕消費情報!