祖兒傷聲帶暫別兩個月
樂壇天后容祖兒（Joey）昨日接受查小欣電台訪問，她謂演唱會後令她的聲帶損壞，完成頒獎禮後將會放假兩個月，頭一個月去歐洲旅行散心，而第二個月則會跟監製跟製作人等商討國語碟的方向，Joey表示：「打算去歐遊，本身有諗過一個人去流浪，不過自從『爆門事件』之後，我住酒店瞓覺連熄燈都唔敢，一熄燈啲陰影就走番出嚟，所以今次應該會同屋企人去。」
提到推出國語碟會否向親密好友何韻詩偷師？Joey說：「一定會啦，佢嘅精神同埋鬥志係好似曱甴咁打不死，雖然好多嘢佢會收收埋埋，但你會明白佢係需要朋友嘅。」