苟芸慧中槍要靚唔要命
2009年國際中華小姐苟芸慧（苟姑娘）出名樣靚身材好，昨在新劇試造型中被安排穿上低胸婚紗示人，即席演繹中槍身亡，不經意拋胸成焦點，但工作認真的她反而一心想着開眼死還是合上眼會死得靚，不介意新年流流死死聲。
苟姑娘、黎耀祥、吳卓羲、徐子珊等昨為《法證先鋒Ⅲ》造型，女主角佘詩曼因事缺席，男主角則由鄭嘉穎、林文龍、歐陽震華變成「冧莊視帝」黎耀祥，活動中安排演員以戲劇形式出場，穿上低胸婚紗的苟姑娘與黎諾懿結婚時中槍身亡，她應監製梅小青要求演繹時稍稍俯身，豐滿身材「呼之肉出」，成為焦點！
難得死兩次
事後記者笑苟姑娘造型也要拋胸作「犧牲」，她笑笑說：「冇，好平常，着婚紗係好幸福嘅事，件婚紗好靚，（喺劇中一出就死？）係呀，婚禮上中槍死，不過都有其他回憶嘅戲份，要死得靚都幾考功夫，返屋企會好好研究吓，頭先我都唔知點死好，開眼死定合眼死，（新年流流唔介意要死？）唔介意！我依家拍緊《紫禁驚雷》，遲啲都要死，幾好吖！一個月死兩次，都幾特別，唔係個個有機會o架，應該珍惜呢個經驗。」
改排毒瘦身
原本監製還要求黎諾懿將苟姑娘抱起，但因婚紗累贅兼她減肥尚未成功而未成事，苟姑娘坦言之前的減肥方法令健康變差，故會改做排毒療程，繼續積極瘦身。
文：影視組