4界別30評審選心水 婚禮作主題 自由搵伴
演藝人協會會長曾志偉昨晚透露因「想好玩啲」，笑言有些人一生都無機會影結婚相，故晚宴以婚禮為題，來賓可以自由配搭影「結婚相」。至於舉辦頒獎禮其實是希望表揚DJ及舞台劇界新人，因這兩個界別經常被忽略，但因時間不足，今年暫不設舞台劇獎項，故另設演員、歌手獎項與DJ獎項齊齊頒發，以免太「齋」。問志偉若今年搞得有聲有色，明年會否向政府申請資助？他表示：「上年好太平，唔同阿倫（譚詠麟）做嗰屆係咁搞賑災，可以有多啲時間處理會務。我想搞學校同一啲電影短期課程，嗰時就會搵政府資助，講座希望可以搵黃秋生、梁朝偉、吳宇森同杜琪峯做講師。」
雯女阿佘風水輪流轉
其實是次並非演藝人協會的首個頒獎禮，早於07年便曾頒《第一屆金棒獎》，由周潤發等當選「電影最傑出表現演員」獎，而「電視最傑出表現藝人」則由當年大熱倒灶視后的鄧萃雯打敗「雙料視后」佘詩曼奪得，令雯女開心不已，想不到風水輪流轉，2011年同一情形發生鄧萃雯與佘詩曼身上，「安慰獎」就派了給佘詩曼了。由於演藝人協會希望頒獎禮評審制度能取得更佳的共識，所以，之後幾年停辦了頒獎禮，直至今年再搞，而獎項由四個界別共三十位評審選出，除音樂界有九位專業人士，其餘電台、電影和電視界各佔七位。
