高海寧凍包饗客飽晒
昨晚演藝人協會晚宴以婚禮為主題，會員多以婚紗及禮服作Dress Code，當中戴夢夢、黃婉曼及吳嘉星等便穿上婚紗，十分貼題。向來身材勁爆的高海寧繼續「胸」湧，大騷5吋事業線搶同行目光，她表示是臨時在衣櫃搵衫配合主題，自己亦覺得很性感：「媽咪都驚我冷親！不過喺室內，OK嘅！」
穿上深紫色晚裝的「長腳蟹」呂慧儀亦露出3吋事業線，但不及高海寧澎湃，她自言感冒要讓「咪咪」休息，並大讚高海寧是「King Size」，她則是「蟹Size」，並笑着說：「我一定輸啦！佢係妹妹，仲有好大發展空間！哈哈！下次我都Push高兩吋，我都好有彈性o架！」至於陳法拉則睇頭欠奉，她自言不介意被高海寧「Big」走：「佢咁好身材！（你又夾埋啲？）唔需要，今日個活動好專業，我都想拍多啲戲。（夠膽露？）有合適嘅電影都OK！」
