超蓮帶埋新寵去扮靚
賭王何鴻燊三房千金何超蓮，大前日在嚴寒天氣下，仍堅持穿上短褲，露出一雙雪白美腿，與一女友人到銅鑼灣鬧市行街。當日下午3時半，二人先往影碟舖睇碟，離開時發現記者拍照即露出友善笑容，並急急戴上黑超遮掩素顏企定定給記者拍照。期間有不少男途人都被超蓮的美腿吸引着，不時向她行注目禮。當她途經至愛的珍珠奶茶店時，即拉住友人前往購買。
之後超蓮再往附近商場寵物店揀選倉鼠，見她不時踎低細心挑選，離開時問她為何買倉鼠？她說：「因為屋企嗰隻年紀太大死咗，所以再買。」當再問現時有否拍拖，她說：「冇呀！就算有又點會話你知呢？」其後她帶住「新寵」乘七人車前往中環髮型屋整頭扮靚靚。
