祖兒6奪金獎未算緣滿

「2010年度叱咤樂壇流行榜頒獎典禮」頒發的34個獎項已塵埃落定，在宣布祖兒獲「女歌手」金獎一刻，祖兒緊張得雙手捉實Eason、基仔及「密友」何韻詩，可見她對該獎何等重視！頒獎禮尾聲男女歌手及組合大贏家Eason、楊千嬅、RubberBand及DJ們在台上玩人龍，Eason更走下台拉眾歌手上台齊齊玩，而舊緋聞情侶王菀之和張敬軒則拖手互相祝賀。

Eason鍾意多人爭

慶功宴上一眾歌手影大合照，奪兩個獎的祖兒獲商台兩大高層甘菁菁及陳靜嫻傍實合照，Eason則不避嫌跟謝安琪碰杯。祖兒對六度獲得「叱咤樂壇女歌手金獎」感到高興，直言宣布結果一刻很多回憶湧現：「坐喺台下已經有少少忍唔住，今年係好畀心機嘅一年，就算食白果都覺得精彩，係錦上添花！（敗於千嬅之手，攞唔到「我最喜愛的女歌手」獎感到可惜？）冇，一路同呢個獎冇乜緣分，不過係恨嘅，呢個獎每年由林海峰頒，好恨佢頒呢個獎畀我，唔緊要，可能佢下年頒呢個獎畀我，我會努力。」

奪得「叱咤男歌手」金獎的Eason對於打破不續約便失此獎的傳言表示：「就算軒仔攞我都OK，我一直都冇跟進歌曲嘅播放率。」對於有指千嬅拉攏他過華星，Eason揚言現階段只會專心兩周後於台灣舉行的演唱會，暫不考慮過檔問題，並說沒有咁快約滿，要時間考慮：「之前咁多謠言都係我衰多口亂咁噏，其實好多公司都對我有興趣。」成為各大唱片公司的搶手貨，Eason笑言：「全行爭就最好，我都可以返英皇o架，私底下同楊生好好朋友！」

古巨基心中有數

另外，古巨基跟Eason在慶功宴上雞啄唔斷，原來是Eason問候他的腰患，基仔說從報章上得悉有指Eason續約換獎，但只當娛樂新聞看，他信不信傳聞？基仔說：「我又唔係當事人，無謂講太多，不過大家心中有數，有幾多係真幾多係假！」

文：音樂組