Winkie最愛相機 乜都影一餐
HotCha成員Winkie與時下港女一樣，鍾意「乜都影一餐」。她覺得相機是世界上最偉大發明之一，可以讓她隨時隨地獵影，將所見所聞用最快、最方便的方法留下來，與好友、粉絲一同分享。
見過拳頭咁大嘅壽包未？我真係第一次見，實物分分鐘比我塊面仲大！如果要我一口氣食十二個壽包，我一定飽到上心口，幾日唔使再食早午晚三餐。
得閒我會親自下廚，因為外賣太冇益。呢款簡單美食，就係番茄釀吞拿魚伴爽甜青瓜仔，好味又有益，所以我極力推薦。大家唔好怕麻煩，享受入廚樂趣。
除咗高跟鞋，手袋就係女士最喜愛嘅恩物之一。呢個女人味極濃嘅手袋，係朋友送嘅生日禮物。為咗襯呢個手袋，我決定唔再粗暴，要做個儀態萬千淑女。
從小媽咪就安排我學畫畫，長大後仲有呢個習慣。我得閒仲會整紙黏土，呢個既係裝飾又可放文具嘅卡通小擺設，就係我親手做畀朋友仔嘅作品。
