高海寧等識好男人
薛家燕、高海寧、王浩信等昨日於奧海城為倒數節目拜神，信和集團商場推廣總經理蘇蔡潔蓮都有出席。高海寧早前被指與「少年食神」林澄光搭上，她再三強調大家冇嘢，做完節目已冇聯絡：「我依家冇男朋友，我available（單身）的。會唔會搵番個就隨緣啦，最緊要有工開，搵錢緊要。（肥啲啱唔啱？）我唔介意外形，只要係個好男人、錫我就得，好似青雲、Eason、霆鋒咪好男人囉！」因拍飲食節目肥了十多磅，故她要勤做運動及吃麥皮餐減肥。
家燕姐新一年大計在深圳及東莞開設家燕媽媽藝術中心，每間投資二、三百萬元，正急於請人：「遲啲可能會喺北京、上海開，當然希望全國都有，依家好多小學都以我哋啲《弟子規》作為必讀課程，係學做人道理，通識教育嘅其中一樣。」她謂花了不少心血及金錢找香港大學、浸會大學的教授作研究。
