林莉影上癮晒高貴性感

林莉早前首次推出寫真集反應理想，近日再下一城製作2011年月曆，而該月曆只送給客戶和傳媒，並非與o靚模月曆對撼，她笑言是影上癮，希望趁後生留個紀念，而整個概念她有份構思，甚至後期製作亦親力親為，相當落力。

以顏色做主題

早前在寫真集中以銀彈女神出位的林莉，表示今次將塑造六個新形象，問到是否十分性感，她說：「感覺上係好sexy，但我自己接受到，今次我以顏色做主題，其中一個紅色造型係帶出hot and sexy，會着deep V裙騷長腿，如果比起其他月曆，我呢個唔算性感，但就好高貴。」她亦透露另一個造型會以真空上陣，十分突破。

渴望浪漫聖誕的林莉，大嘆未有情人。

林莉在月曆中的紅色造型，認真火辣辣。

想去外國睇雪

而今個聖誕，林莉在工作中度過，問她可會渴望有個浪漫聖誕，她說：「我當然想啦，但依家冇情人，其實我好想去外國睇雪，希望遲啲可以同朋友去睇啦！」而她表示明年復活節已向公司請假，將與家人到北京旅行，她說：「未試過同父母去北京旅行，佢哋好想去長城，難得哥哥同細佬有假，所以已經講好一家人去旅行。」

文：呂曉風