樂壇新人鍾一憲（Jason）出道只有幾個月，但已獲不少忠實fans支持，日前他更與歌迷共患難，令雙方感情更深厚！事緣Jason出席活動後，與12名fans一同乘升降機離開，但突然機器故障，一行人被困升降機內足足大半小時，起初fans有感可與偶像近距離接觸，唔識驚勁high唱歌說笑，但慢慢氧氣愈來愈少，眾人開始感覺暈眩作悶，幸好消防員及時營救。
提到與fans的關係，Jason說：「好多謝佢哋咁支持我，花心機為我整燈牌，仲有一個好大嘅J字形氣球！（搞聚會？）會呀！好希望可以同佢哋BBQ甚至旅行！」問到新一年願望，主力唱歌的Jason希望可做到一隻具個人風格的大碟，更想踩過界拍戲。