焦媛孖女伴掃貨 高志森畀錢

焦媛雖然忙於為音樂劇《我的快樂時代》綵排，但日前卻偷得浮生半日閒，與一名年約廿多歲的女伴在時裝店購物。所謂購物是女人的天性，兩女在時裝店不停穿插，分別拿起不同類型的款式上衣在鏡前左拼右拼，盡現天性。而焦媛對女友人相當細心，不時為她挑選服裝，又選不同的飾物為她配搭，又提供個人的意見，女友人亦表現得相當受落。

逗留近一小時

未幾，高志森突然現身，但仍未能打擾兩位女士的雅興，惟有在旁等候，明顯被冷落。最後三人逗留了近一小時，最後由高志森付款並帶着數袋戰利品離開。

焦媛細心為Tonia挑選衣服，二人相處融洽。

高志森亦有參與為Tonia揀衫，一副慈父樣子。

感情好有偈傾

事後聯絡上焦媛，她表示女友人其實是高志森的女兒，她說：「佢喺美國生活o架，咁啱返咗嚟香港，我哋咪約埋一齊買衫囉。（識佢好耐？）好耐架嘞，大家平時都有網上傾偈，佢好叻女架，外表斯文為人有禮，思想好成熟。」記者再聯絡高志森，他說：「阿女Tonia（高子詠）喺美國Indiana University教音樂嘅。話要返香港陪我過聖誕，咁咪一齊出嚟行街囉！焦媛同佢感情好好o架，佢哋平時都有傾偈聯絡。」

文：影視組