湯怡起飛腳當 洪卓立沙包

洪卓立（Ken）的緋聞女友湯怡（Kathy）明年初遠赴無錫拍戲，需逗留一個月。自言愛kick boxing的Kathy日前抽空練習，雖然她外表斯文柔弱，但原來十分打得！她與型仔教練Zero鬥kick時毫不輸蝕，當她表演凌空飛踢沙包亦有板有眼，認真估佢唔到！

恨拍打戲

Kathy說：「我學咗兩個幾月，其實玩kick boxing除咗強身健體，我仲想增加戲路，因為外界覺得我好斯文，我想試吓拍打戲，可以型啲。（腳好直喎！）係呀，但踢腳真係好難，我左腳又論盡。（有冇受傷？）腳同膝頭都瘀，同埋扭傷腰。（學嚟防狼？）學定幾招都好。」

問到會否相約Ken切磋武功？Kathy笑謂：「佢畀我當沙包咁踢！其實佢都估唔到我咁打得同踢得！」由於明年初遠赴無錫拍戲，問到擔不擔心會疏於練習？她說：「都擔心，我喺冬天好易肥，屬於易肥易瘦，曾經諗過帶埋拳套過去對住幅牆打，但教練話其實可以跳繩練氣同練腳力。」

另外，Kathy將與師姐鍾欣桐合作拍戲，她對師姐讚不絕口：「之前同佢合作過，開頭都覺得佢幾cool，但相處落先知佢係有義氣嘅女仔。早排我唔舒服，佢都幫我搵醫生，係一個好照顧人嘅師姐。」

湯怡凌空飛踢沙包，有板有眼。

湯怡與型仔教練對玩，有姿勢有實際。

文：專案組　場地：CeLLZ