朱潔儀睇鑽石治病
臨近新年不少藝人都四出行街選購禮物，日前大約下午六時許，身穿毛毛背心的前港姐朱潔儀（Donna）偕工人現身中環，但卻一臉病容，先到附近一幢大廈睇完醫生後，再步行往士丹頓街上車離開，期間她途經一間珠寶店，雖然抱恙在身，她亦不忘停下腳步，研究放在櫥窗內的鑽石首飾，果然女人購物能醫百病。
事後記者致電Donna，她說：「可能之前聖誕節太忙，一時唔小心冷親，所以新年願望最緊要身體健康。（你病緊都睇鑽石，係咪揀定禮物等人送？），咁啱經過望下啫！呢啲咁貴重嘅禮物，唔可以隨便收，除非係求婚喇！」