吳日言昨日出席apm舉行的馬拉松魔法Show迎2011活動時，表示最近獲家人贈樓當是嫁妝，她笑言：「依家自己住自由啲，都會帶朋友返屋企嘅，爹哋有時都會返嚟。（突擊檢查？）係呀！（帶男朋友返屋企過夜？）唔會，梗係個女仔去個男仔度架啦！」她透露男友是圈外人，兩人相識於微時，問到可會閃電結婚，她說：「依家結婚好貴架，男朋友一定要有樓先，同埋要有一百萬禮金，佢話OK，不過要等廿年。」
而同場的吳亭欣就表演彈鋼琴，她今個除夕和新年會和家人一起慶祝，男友也會同行，她會讓家人Scan一下對方，她認為最重要是人品好和專一，且必須是單身。
