何思諺聽覺失靈講嘢大大聲
早前「陽光妹」何思諺（Leanne）於中國最北的地方漠河拍攝交流文化節目，當地氣溫凍至零下卅度，Leanne說：「公司知道嗰度太凍，驚我頂唔順，但我就覺得點都想試下，而且又咁有意義。」
雖然Leanne已準備了一百個暖包，帶齊四、五件羽絨褸兼穿着幾條褲打底，仍是敵不過苦寒，病菌更令她只得番50%聽力，她說：「如果你除咗手套十五秒，隻手可能已經凍到可以切除，其實去之前都病病哋，啲鼻水不停咁流，以為返香港之後會好轉，點知又要再飛沙巴影嘢，返嚟至發覺自己講嘢有回音同出現耳鳴，睇醫生話鼻水倒流令耳仔聽覺得番一半。」