千嬅懶理老公舊聞：夫妻之道

有報道指丁子高和廖碧兒曾拍過拖，楊千嬅不介意之餘又大讚老公：「冇聽過亦冇所謂，呢啲係佢識我之前嘅事，老公咁好樣，有呢啲新聞都OK，最緊要依家佢係我老公就得啦。（廖碧兒有去你哋婚宴？）係呀，我老公請嘅。」會唔會問老公過往女朋友清單？千嬅笑笑口說：「唔會問，呢啲係夫妻之道，問多一句就畀對方多一個籌碼。」至於廖碧兒昨日在微博留言表示與丁生是普通朋友，更讚丁太的回應了得。