祖兒簡約露毛贏品味

每年的大型頒獎禮，眾星在服飾上必定傾巢而出，務求突圍，今次邀請著名時裝評論人張學潤（Neslon）評論一眾歌手的服飾。前晚只有祖兒換了兩套服裝，Neslon大讚各有特色，黑色外套加「穿窿」leggings，十分性感，展示祖兒fit到漏的身形，而啡色毛毛裙則簡單有特色；男歌手方面，Neslon說：「最特別莫過於Eason，我不嬲都好鍾意佢嘅打扮，佢唔理自己身材缺點圓潤、不夠高、腿粗，好有舞台風格。」至於謝安琪，Neslon認為她完全着不出個人風格：「唔需要着到咁浮誇，反而簡簡單單襯佢多啲。」

心靈受損

此外，祖兒前晚出席慶功宴時，重提於內地酒店被男怪客闖入房間驚魂，她表示當時驚到全身發抖兼腳震：「當時好驚，追究都冇用，心驚嘅驚嚇損害係追究唔到，不過當時我着件黃色好低B嘅睡衣，因為怕凍仲叫阿媽攞件厚啲嘅。2010年已經夠精彩，估不到竟然攞埋尾彩。」而事後仍然要在當地工作的她則留有陰影。提到為何落了門鏈都能闖入？祖兒都百思不得其解：「可能條門鏈流囉！」因事件發生當晚是26日Boxing Day，祖兒不禁笑說：「Boxing Day收到個『炸彈』囉！」

何韻詩 佢係好有風格嘅歌手，唔使刻意誇張都好有舞台感。	鄧麗欣 好有貴氣，性感得嚟有氣質，唔係個個着到咁嘅味道。	Kay 好似着咗婚紗咁，太刻意誇張咗，件衫變得好老土。
Eason 套衫華麗加運動Feel，着喺佢身上唔怪，反而係理想當然，古靈精怪先啱佢！	嬌　好公主，但無驚喜，唔係咁特別。 Sa　型格又新鮮，有時代感及青春氣息。

文：名人組