四大歌手感可惜梁漢文寄望明年解決

對於叱咤頒獎禮不會在無綫播出，四大旗下歌手周柏豪昨日與梁漢文出席活動時回應：「呢條問題好深，由大人處理啦，每個大時代變遷都要經歷啲嘢，好似青春期咁。（失望？）冇意見，係我嫲嫲緊張啲，見唔到我以為我冇嘢做，遲啲教佢上網睇啦。」梁漢文雖非四大歌手，但他謂：「樂壇應該團結，大家都堅持自己嘅立場，企硬咗，冇可能話解決就即刻解決到，今年唔得咪出年囉，慢慢磨合啦，唔好太急進，否則弄巧成拙。」女子組合HotCha坦言感可惜：「都想喺電視睇番自己演出，希望快啲解決，一團和氣就最好。」