陳沛嘉遭離棄喊足兩晚
模特兒陳沛嘉在剛過去的聖誕節，心情跌至谷底，原來其家傭於聖誕前要求返家鄉結婚，結果一去不返，她說：「佢無故失蹤，為咗佢我喊咗兩晚，我一向眼淺，感覺好似畀人離棄咁，好唔開心，冇晒心機扮靚去派對。」
沒有家傭的日子，每天忙於照顧兩頭西摩犬（Smiley和Sweetie）及夫婿彭文堅，令她忙個不可開交，現年四歲的Smiley因為亂吃骨頭和毛巾，曾兩次需要施手術，醫生已警告不可以再發生類似事件，故陳沛嘉每天在家對愛犬作出監視，以免牠再出事。她說：「我寧願自己病都唔想佢哋病，對狗仔都係咁，何況係人，我太過緊張，所以冇可能生小朋友，如果真係生，要喺佢哋身上裝閉路電視至放心。」
