貢米反串媲美林青霞

有「翻版張栢芝」稱號之貢米近日忙於內地拍劇拍廣告,在劇中飾演小仙女的她演技出色,尤其是女扮男裝的造型更被劇組人員指酷似林青霞,但她表示不能相比,只會做好自己。

於內地參加歌唱比賽因貌似張栢芝而聲名大噪的貢米,近日於橫店拍攝中央電視台劇集《仙女湖之墨仙》,其經理人朱永龍表示在劇中扮演仙女的貢米演技不俗:「佢演技真係好好,拍搞笑戲嗰陣令成個劇組人員都笑得好開心,拍感情戲嗰陣又令到大家好感動,連導演都喊呀!」據悉貢米反串的造型令各人都覺得她與林青霞相似,但貢米卻說:「根本無得比,佢嘅演技同氣質我都比唔上,只會做好自己。」

落水戲頭髮結冰

而內地天氣早已非常寒冷,貢米表示早於江西仙女湖結冰前幾日要拍攝下水戲份:「其實真係好辛苦,啲水濕咗啲頭髮會結冰,咁其實會好凍。」問到新年會否於工作中度過,她說若果到時劇集還未煞科,就要和媽媽及劇組於橫店一起度過了。

廣告酬勞七位數

貢米除忙於拍劇外,更要拍護膚廣告,據悉攝製隊為遷就她而特地走到橫店拍攝,酬勞更達七位數字。被問到廣告商看中她哪方面,朱永龍表示:「佢哋覺得貢米係個好有潛質嘅藝人,所以就搵佢喇!(同護膚廣告有咩關係?)梗係有關係啦!就係知道佢有潛質先搵佢啦。」朱永龍更透露活潑好動的貢米於拍攝廣告時更差點兒走光。

文:影視組

聖誕假期去邊度玩?即上on.cc東方互動《享樂聖誕2010》專輯,為您一站式搜羅各類聖誕消費情報!