偉仔開心被讚保養得宜
梁朝偉前晚以《一代宗師》演員身份，於北京出席活動後，昨日傍晚由助手陪同返港，戴上黑超的他心情輕鬆，甫見記者笑到四萬咁口，並放慢腳步讓記者拍照，透露返港辦一點事情，便再赴開平繼續開工。問到現時拍攝情況，偉仔說：「一日拍十幾個鐘，（係咪好快拍完？）咁我又唔知，除夕應該冇假放，最快都要到農曆新年，其實手傷都差唔多好晒，都驚再受傷唔知點拍，不過動作戲受傷在所難免。」
談到無綫近日重播其首部演出的劇集《香城浪子》，偉仔聞言即苦笑，但被大讚保養不俗時，他即笑謂：「唔係啩，以前嫩口好多。」至於偉仔拍檔章子怡，前晚於盛典上不時滿場飛，碰見老外好友們也來個西方禮儀，熱情擁抱一番。