官恩娜化個靚妝人醒神
官恩娜（Ella）日前獲化妝品睇中力邀做大使，拍攝新一輯廣告，廣告商為隆重其事請來日本藝人藤原紀香御用化妝師奧川哲也（Okukawa Tetsuya）在場監督及為Ella化妝，兩人互笠高帽，Ella大讚對方打扮有型，Okukawa反讚Ella皮膚好及雙眼迷人。Ella說：「好開心今次可以同Okukawa合作，佢幫我化妝時教咗我好多技巧，日本化妝師好細緻，將我啲毛孔隱藏埋。」
貪靚的Ella自爆當年在英國求學時，常到化妝品櫃位自娛，她說：「隨便試用啲化妝品，又唔會騷擾人，我覺得化妝品好神奇，可以令人望上去更靚同精神。」
