周秀娜帶備防狼器自保
正所謂「防患於未然」，藝人出埠入住酒店時，都有不同方法去確保自身安全。
周秀娜：「隨身都帶定防狼器，最緊要保護自己。我有次試過做嘢做到好攰，返酒店時開唔到房門，就不斷拍門，後來先知自己攰到拍錯房門。」
陳慧琳：「我喺大陸住酒店，一定反鎖房間，同埋用行李或其他重型物件頂住道門，確保道門一定開唔到先會瞓覺。或者會安排助手或經理人同我一齊住套房。」
陳嘉容：「我試過入錯人哋房，入到去見到有行李先知，之後即刻投訴！佢畀錯人哋嘅鎖匙我，即係可以將我嘅鎖匙畀錯人哋。所以我住酒店一定會鎖門。」
江若琳：「我一入酒店房就會鎖實度門，最近得到三嫂（戚美珍）教路，仲會用櫈頂住道門。」