林莉不容月曆擺廁所

新的一年將來臨，林莉為答謝一直支持自己的客戶及傳媒朋友，專程親身設計及製作精美的月曆。由策劃到相片選取到版面設計，均由林莉親自操刀，盡顯誠意。但現時市面上充斥着以性感為賣點的o靚模月曆，有些甚至被評為「淨係啱放喺廁所用」，問到她會否擔心被放喺廁所？她回應：「我唔容許放喺廁所！我個月曆美觀又實用，真係可以畀人用嚟mark嘢，放喺屋企或者辦公室邊度都得！」

凸顯女性特質

問到她月曆中有沒有性感造型？她回應：「當中都有少少性感嘅，好似有中空裝咁。但係今次嘅主題係要凸顯女性唔同嘅特質，所以當中有高貴、頹廢、自然、摩登、純潔、cool、性感等八個唔同感覺嘅造型，影咗十二個鐘！為咗配合唔同造型，淨係洗頭都洗咗三次！」而這次的製作團隊十分強勁！包括星級化妝師Kenneth Wong、髮型師Roy Yung，以及請來Ivan Lau擔任造型設計師，製作費超過六位數字！

中空晚裝裙，林莉發放性感魅力。

林莉有多個造型，為換髮型都洗頭三次。

不作公開發售

可是，林莉的fans可能要失望了，因為此月曆乃非賣品，不作公開發售，並僅限量二千本！林莉笑言：「為咗表示我嘅誠意，我會喺每個月曆上面簽名。（簽到手軟？）哈哈，我預咗要簽三個通宵o架啦，希望大家會鍾意啦！」

文：名人組