陳美詩獨門秘方瘦身不瘦胸
陳美詩（Macy）入行五年，一直保持纖瘦身材。身高165cm的她，現時維持92磅，最令人羨慕是她竟能瘦身不瘦胸，擁有32C驕人身材。Macy獨步瘦身秘技，和一般娛圈藝人的方法大有不同，她說：「好多圈中人都用禁食方法減肥，每餐只食幾條菜、幾個生果，甚至用粥水充飢，雖然係瘦到，但會搞壞體質，我係絕對反對！如果因為咁而令自己冇精神，我寧願肥好過瘦，我係推薦健康主義者。」
Macy覺得減肥最健康的方法就是做運動，還要持之以恒。最愛慢跑的她推介：「我覺得慢跑可以全身減，冇時間限制，只要有空地就可以，又唔使人陪，沿途又可以欣賞風景，一舉兩得呀。」
瘦身秘技
1.每次慢跑約一小時，最理想是每日跑，但如果無時間，最少都要每周跑三次。
2.慢跑切忌快，因為太快太用力過度，會令小腿變粗，那就失去瘦腿的目標。
3.維持一日三餐，可食肉、魚及飯麵，甚至甜品，但不可過量，七成飽就收口。
4.不要食零食，絕對無益又易肥，如想過口癮，可選揀天然有機零食。
服裝及場地：TED BAKER