陳柏宇肉緊攬Theresa：係黃金機會
歌手傅穎（Theresa）、陳柏宇（Jason）及台灣F4成員吳建豪前晚平安夜於屯門市廣場主持聖誕倒數儀式，Theresa跟Jason玩遊戲時非常投入，二人公然攬到實一實，Jason可謂艷福不淺！Theresa獻唱快歌《加加夫人》時嗌熱除衫，大騷小型波罅，她表示：「有諗過唔跳，但係想氣氛好啲，臨時決定唱呢首歌！」
Jason坦言跟Theresa攬攬感到非常榮幸：「係黃金機會，唔係就呢世都冇機會！（發展機會？）我永遠高攀唔起，佢係女神！」而跟圈外女友分手後的吳建豪坦言不會寂寞，希望跟工作人員一齊度過。曾與Theresa傳不和的鄧麗欣，前晚被問有否留意Theresa與羅仲謙緋聞？她說：「無睇，無跟進，感情事第三者好難判斷！」
