王梓軒升呢三語教唱歌
歌手王梓軒為「TVB8全球華人新秀歌唱比賽」擔任編曲和指揮合唱部分，期間更要分身指導十多位參賽者清唱的技巧，有參賽者稱呼他為「王老師」，王梓軒笑言這個稱呼令他感到自己年紀很大：「其實我同佢哋年紀差唔多，覺得佢哋叫我英文名Jonathan仲親切，可能拉近大家嘅距離嘛。」
由於有不同國籍的人參賽，所以王梓軒上堂期間，不時以廣東話、英語和普通話三語交流：「有時我都轉唔切，搞咗好多笑話出嚟，不過我哋好努力練習，準備明年1月9日嘅總決賽，到時將《你們好》、《中國人》及《Together We Are One》呢三首歌用清唱形式表演畀大家睇。」