鄭希怡揀定禮物上京開P
今個聖誕，鄭希怡（Yumiko）難得有假，適逢化妝師男友Andy要到北京工作，Yumiko一於做跟得女友北上一同過浪漫白色聖誕，更會舉行派對交換禮物，可謂未出發先興奮！
上半年大部分時間身處內地拍劇的Yumiko，跟男友Andy相隔異地聚少離多，適逢今個聖誕節難得有三日假期，Yumiko當然要爭取時間和男友歡度佳節，問她聖誕節會否跟男友共度？Yumiko起初表示會跟朋友到北京慶祝，追問是否跟男友過？她甜絲絲表示：「佢平安夜咁啱喺北京做嘢，如果有時間都會一齊玩，或者會開派對！」Yumiko相隨相信令男友甜入心，問Yumiko可有準備禮物給男友？她說：「未呀，不過陣間會去買。」
有好嘢益阿Sa
由於好友蔡卓妍（阿Sa）平安夜當晚會在北京擔任梁詠琪演唱會嘉賓，Yumiko笑笑口透露會約阿Sa一起開Ｐ，更會送上一份「情趣」禮物給她：「我諗咗好耐送咩好，可能會買份情趣用品畀佢同William（陳偉霆）一齊用，哈哈……希望佢哋鍾意啦！（送份畀男友同自己？）唔會喇，都唔識用！」
另外，Yumiko因在內地拍劇而結識到很多新朋友，她開心表示：「我覺得今年過得好充實，雖然好少時間喺香港，但真係學到好多嘢！（少見香港朋友歌迷？）其實都唔算少見，因為我每日都上微博同朋友歌迷溝通，佢哋都知道晒我嘅新動向，有咗微博真係好好！」
採訪：音樂組 服裝：MADE IN THE EARTH
化妝：Yan Chiu 髮型：Ziggie 攝影：秦健輝 場地：EI Pomposo