爆E超蓮轉投施門不再迷妄

被冠以「爆E超蓮」的Iris，出身富裕之家，但立志做o靚模，去年原可在英國升讀大學三年級，但為了入行而毅然停學做「妄攝女」。最近Iris告別「妄攝」行列，簽約施念慈旗下成為「百果園咪神」陳靜師妹，大家同為有料之人，Iris坦言不怕同門互有比較：「我見過晒新公司嘅成員啦，DaDa身材好唔驚會有競爭，好多Model公司都有唔同嘅model，要比冇得比，雖然唔係見過好多次，我覺得DaDa比我硬淨同成熟，仲幾搞笑添，同我一樣好鍾意講嘢。」

被頸巾男嚇親

Iris直言今次簽約乃經過深思熟慮，和施念慈傾了多次才達成合作協議，她說：「我應承咗公司唔會因為屋企有錢而做嘢唔上心，會積極做嘢，唔會懶懶閒。」Iris表示目前正值單身，是努力發展事業的好時機，Iris說：「都唔知點解，成日都咁啱年年聖誕前就會分手，所以咁大個女都未試過同男朋友過好浪漫嘅聖誕，至於最特別嘅聖誕禮物要算喺好耐前有個男仔親手織咗條頸巾畀我，感覺好奇怪呀！結果當然打動唔到我啦！有啲嚇親添。」

Iris（右一）今年與一眾妄攝女出寫真。

與百果園陳靜成同門，Iris不擔心互有比較。

文：潘琳

攝：倪立煌