Ana R.施緊箍咒綁仔心

踏入聖誕節，雖然兩位模界靚女Ana同Ankie仍強調自己是單身，但表示在佳節中有屋企人相伴亦不會覺得太lonely，為答謝好友及家人一年來的照顧，她們日前孖住齊齊揀禮物。

對領呔情有獨鍾

當日二人在名店extravaganza掃貨，Ana似乎對領呔情有獨鍾，更順勢教女仔如何揀呔冧仔，她直說：「一條領呔可睇到一個男人嘅品味，所以我之前都有買過呔畀男友。其實揀呔最緊要質料好，夠挺先可以打得出個靚三角位。」期間，Ana R.發現原來身旁的Ankie還未識打呔，就即場為她示範正確打靚呔的速成法，還笑說：「學識幫男人綁呔，才懂綁住男人心。」除了異性朋友，她們亦精選有閃石的飾物送給女友人，挑選了Bling Bling蘑茹匙扣的Ankie說：「呢個bling bling飾物既可愛又夠高貴，掛喺手袋同鎖匙包都得，女仔實鍾意。」

放大圖片	名模Ana R.（右）及Ankie為答謝親朋好友一年來的照顧，齊齊孖住選購聖誕禮物給他們。

與親人共度佳節

二人被問到如何過今年的聖誕節？Ana表示或會飛外國探親人，她說：「細佬即將做爸爸，佢嘅小朋友已經係我今年最好嘅聖誕禮物，如果有時間最想探佢哋。」而Ankie亦懷念倫敦的白色聖誕，她說：「我覺得聖誕節可以一邊睇住飄雪，一邊飲熱飲，唔使有情人都有另一番浪漫。」

Ana與Ankie老友鬼鬼，揀禮物的品味也差不多。

Ana表示聖誕節或會飛外國探親人。

文：專案組 攝：司徒國榮 場地：extravaganza