岑潔儀望吸千萬進駐豪宅

Zoey曾與台灣音樂才子陶喆傳出緋聞，但隨着陶喆傳出另有女模「新歡」，Zoey的感情亦有着落，她早前自爆有新男友。Zoey表示兩人拍拖數月，這個是兩人首次甜蜜共度的聖誕，別具意義，所以兩人會出發到日本過白色聖誕，Zoey甜笑說：「我會去北海道過聖誕，嗰度落雪，好開心可以過白色聖誕，係我第一個白色聖誕。（同新男友去？）係親密嘅男性朋友。（即係男友？）係，哈哈。」

鍾情阿童木

問到Zoey的聖誕及新年願望，她笑說：「當然想搵多啲，希望可以賺到一百萬，快啲買樓。我目標係幾千萬豪宅，所以我都係唔止想搵一百萬，係要一千萬。」

而Zoey在日本過聖誕前，在香港預先感受聖誕氣氛，她從小到大都愛到有卡通人物為主題的商場過聖誕，她說：「細個成日睇阿童木卡通片，好鍾意呢個公仔，依家大個咗都有睇佢嘅電影o架，飛去日本前就喺商場同阿童木過。」Zoey在拍攝當日於卡通公仔前整古做怪，又扮成機械人般，充滿童真。

岑潔儀在阿童木的聖誕裝飾前擺出不同甫士，不失童真。

岑潔儀已出發到北海道，與新男友共度首個甜蜜聖誕。

文、攝：專案組

場地：黃埔新天地

服裝：Law Season

髮型：HH Patrick