莊思敏無悔青春乜都試

愛美是人的天性，模特兒莊思敏（Jacquelin）自認貪靚及怕老，慶幸現今科技能幫助解決不少問題：「我好大膽，乜都敢試，見到新嘢就會買。當然用喺面上嘅嘢，我會了解成分，其實幾貴都無所謂，最緊要物有所值。」談到她勇敢隆胸一事，她坦言由收到電話邀請出任隆胸代言人到決定答應，過程只有短短幾小時，她強調：「我嘅決定唔係衝動！我年幾前已經有隆胸呢個念頭，我咁大個女第一次做手術，我唔驚，而係需要好大決心，要知道自己係咪需要同要承受嘅壓力，諗得好清楚。」

她吸一口氣說：「其實香港人表面上唔講，但私底下好多人都想做。我諗過最差嘅後果，係做完啲人唔接受、唔鍾意我，我咪去做生意囉！直到做之前一日，有朋友同我講，可能香港人唔係咁接受，講到做完要退休，我先有少少擔心。」

莊思敏對全新推出的殿級蜂皇嫩肌精華素甚有興趣。

放大圖片

入行多得母親

Jacquelin的父母向來反對她任模特兒，但會成為模特兒，也間接要多謝莊母，她說：「我讀書時有少少寒背，而且短頭髮好男仔頭，所以媽咪叫我去行Catwalk學儀態，點知間學校問我有冇興趣簽約做模特兒，好處就係唔使再交學費，我當然即刻應承。」至於愛情，Jacquelin與男友吳浩康（Deep）拍拖四年，但原來一開始亦得不到父母的認同：「最初父母畀Deep嘅負面報道影響咗，對佢又唔係好了解，後來就發現佢真係改過。」問她何時結婚，Jacquelin笑謂：「唔應該問我，我唔會主動求婚。」她認為求婚要講時機及氣氛，如果氣氛對便會點頭。

公開護膚心得

Jacquelin公開護膚心得，除日常飲食做起外，還有外敷，實行雙管齊下。她應邀嘗試嬌蘭全新推出的殿級蜂皇嫩肌精華素，希望有效撫平皺紋及改善皮膚組織鬆弛問題。談到其胞妹莊思明（Lisa）成為今屆港姐亞軍，Jacquelin稱是全家最贊成Lisa參選港姐的人，又大爆妹妹趣事：「Lisa經常話屋企有兩個阿媽，佢讀中學時有成140磅，就係我逼佢減肥。」

採訪：陳嘉敏

攝影：吳文聰

服裝：M Missoni

場地：DNA