區文詩唱衰偷食男
區文詩（Angela）日前在公開活動上獻唱新歌《絕對領域》，歌詞講述情侶越軌、偷食及四角關係等，問她可有男友試過以上「罪行」？Angela表示：「試過分手後發現個男仔同我一齊時又同另一個拍拖，有朋友叫我追究，但我唔想將來見到面尷尬，寧願好嚟好去，所以最後都扮唔知！」
Angela透露平安夜會為舉行派對順道為朋友慶祝生日，而正日則會跟男友鈴木仁「二人世界」，問她準備禮物沒有？Angela說：「今年諗住唔送禮物，過去每年傾家蕩產送禮物，又要回禮好煩，所以今年唔送！」Angela又自爆明年一月會跟男友前往亞熱帶地方旅行，順便慶祝自己生日，問她男友是否「全包」之旅？Angela笑言：「唔知呢，我都未畀番錢佢！」