傅穎狠飛謙仔慳番一筆
26歲的傅穎（Theresa）竟從來沒度過浪漫聖誕，偏偏早前又跟緋聞男友羅仲謙鬧翻，本來想送鬚刨給他做聖誕驚喜禮物，現在可以慳番了。
Theresa跟緋聞男友羅仲謙情海翻波，決絕地跟對方劃清界線，今個聖誕要孤零零度過！拍過4、5次拖的Theresa，原來從未度過浪漫聖誕：「印象中冇，真係冇試過！雖然有拍拖，但好平淡咁過，只係參加朋友party，以前啲男友唔浪漫，依家識浪漫嘅人愈嚟愈少。」
舊愛鬚味濃
問想收甚麼聖誕禮物？Theresa說：「旅行機票，好想去旅行，但機票好貴，旅費又貴。」問會否和謙仔去？惟Theresa似乎仍餘怒未消說：「同朋友去，冇男友就想去熱帶地方感受陽光與海灘。（謙仔啱晒？）外形啫。」問覺得甚麼禮物最適合謙仔？Theresa勉為其難說：「我覺得佢最需要鬚刨，佢啲鬚剃完4粒鐘又生，每次見佢都係滿面鬚根。」不過兩人已由好友變「同事」，看來謙仔無福消受禮物了。
Theresa轉公司後工作密麻麻，連聖誕的黃金檔期都要開工，她說：「今年聖誕要在工作中度過，自己覺得聖誕好浪漫，應該喺好溫馨、浪漫情況下度過，睇外國片，聖誕節都係同家人、朋友喺屋企食火雞，大家好開心玩抽獎，我都想可以同屋企人慶祝。」
難忘大花面
講到最難忘的聖誕節，Theresa說：「有年去朋友屋企開大餐，大家玩遊戲，輸咗要畫醜樣，依家唔敢再玩，怕嚇親大家。其實自己一直好想過白色聖誕，不過一個人好lonely、又凍，最好有另一半陪我，今年真係冇機會，不過工作中度過都開心。」
採訪：音樂組
場地：奧海城
髮型：Vincy Pang@IL COLPO
化妝：Theresa Fu
服裝：Hysteric Glam