戴凱欣半途出家開美容院
四洲太子女戴凱欣（Kennis）一直幫父親打理家族生意，早前突然對美容產生興趣，投資一百多萬元於中環開設Purple Prose spa美容院，由找店舖、裝修、設計到開張，前後用了約半年時間，店舖雖然面積不大，但五臟俱全，而且每一個角落的擺設都是經Kennis精心挑選及四處尋覓得來的佳作，Kennis對每件事都做到十全十美，就是希望客人有個舒服的環境及感覺。
從小對紫色情有獨鍾的Kennis，美容院亦以紫白色為主，被問到點解會開美容院？她說：「我以前從冇諗過，因為自己好懶做facial，對美容認識唔多，而且做開食品生意，就算諗自己做生意，都係諗住開餐廳。後來朋友介紹，而身邊有幾個好朋友對美容好有認識，加上媽咪好鍾意，鼎力支持，於是膽粗粗開咗。」而Kennis由初初對美容一知半解，到現在已成為半個專家。至於時間上如何分配，Kennis說：「我日間返四洲，放工就喺美容院，雖然辛苦，但好有滿足感。」
