韓君婷做星洲OL紅過香港

藝人韓君婷及崔建邦（Amigo）緋聞女友Marina V.出席黃埔新天地「聖誕歐洲市集」活動。問到韓君婷何時返新加坡？她表示：「今次返嚟主要係為咗執嘢同延長簽證，依家搞掂晒，會喺今個月29日返新加坡。今次返去最快都要半年後先會返香港。」問到她於新加坡工作的情況，她表示：「係一份好穩定嘅文員工，返朝九晚五，不過淨係得星期日放假。有一種好正常、好奇怪嘅感覺。」

未有對象

另外，新加坡正重播她有份參與演出的劇集，故上街時常有影迷上前要求與她合照，笑言比香港更受歡迎。問到她於新加坡有沒有追求者？她回應：「我去咗一陣，未咁快。（有冇對象？）有嘅話喺香港都搵咗啦！我都想有，可能未遇到啫，畀啲時間我啦！」

韓君婷與Marina出席活動，現場聖誕氣氛濃郁。

Marina玩呼拉圈，不慎失手跌咗落地。

多得緋聞

同場的Marina V.被問及有否相約Amigo度聖誕節？她表示：「聖誕有工作，之後會約朋友食晚飯。（會唔會約埋Amigo？）唔知道。同佢一直有聯絡，但只係朋友關係。」

問到她理想對象的條件時，她表示對方要聰明、有趣，而且能令她開心。被記者追問Amigo能否令她開心時，她即大笑回應：「作為朋友，Yes。」問到她的工作量有否因緋聞而增多？她亦大方承認：「Maybe。原本喺香港都工作得好好，只不過依家傳媒成日跟住我，問我嘢。（佢係你幸運星？）我得到好運。」

文：名人組