方中信開心過中六合彩
終審法院法官包致金姪女Amina之前犯醉駕及襲警罪，及後又違反感化令，因而被判囚六周，即時入獄。之前她獲輕判一事惹來不少非議，現在終於入獄，不少藝人都議論紛紛。方中信於微博表示對香港的法律終於有番少少信心，更表示希望「權貴Amina」可以於荔枝角過一個難忘的聖誕，以後不要再醉駕及打人，此言一出，即獲不少人支持。昨日記者致電方中信，他坦言：「開心過中六合彩呀！之前判決係有問題，佢唔係第一次襲警，佢要去美國接受戒酒課程，唔係個個都有錢做呢啲嘢，我哋呢啲窮人咁點呀！」
陳淑蘭：應判終身監禁
曾犯醉駕的藝人陳淑蘭、謝天華等對此都有回應，陳淑蘭謂：「判六星期梗係少啦！佢犯過三次類似事件，應判終身監禁，我每次睇完都好嬲，自己嗰次只係剷上花槽就罰我六千，不小心駕駛罰我九千，我仲多佢一千，所以好嬲，嬲到我四張幾嘢啲火都返晒嚟，我覺得佢好似秦始皇個女咁，為所欲為囉！」而謝天華則謂：「合唔合理睇個官咩準則，喺巿民角度去睇，佢係應該接受合理審判，六個星期對好多香港巿民嚟講，係一個合理結果。」
文：影視組
