吳彤羅憶詩耳筒傳情
唱作歌手吳彤日前到深圳支持馬來西亞歌手羅憶詩（Yise）的演唱會，抱恙在身的吳彤更將自己所戴的白色耳筒送給對方作聖誕禮物，令兩人的緋聞更加疑幻疑真，對此吳彤表示：「大家諗多咗喇，因為上個月我去馬來西亞冇時間搵佢，咁啱今次夾到時間，好朋友當然要全力支持，同埋個禮物係個客好鍾意佢嘅歌，所以叫我順路送一個耳筒畀佢做聖誕禮物，但佢唔鍾意新款，反而鍾意我戴緊呢個，既然佢唔怕我戴過就送畀佢。（定情信物？）訂歌信物就差唔多，因為我哋已經有首歌度緊合唱，希望年頭可以成事啦！」
至於吳彤最欣賞Yise甚麼？他笑言：「我哋有好多嘢都好似，大家都係創作歌手，又係大學讀傳播系，所以我哋溝通得到，不過佢十三歲已經贏歌唱大賽冠軍，我都要向佢偷下師先得！」