李思欣覓真愛煙韌遊街
「四葉草」舊拍檔李思欣及蔡淇俊相約慶祝聖誕及新年，兩人更在「咀嘴公仔」前扮錫錫，認真貪玩！思欣直言希望來年有拖拍，更不介意與真命天子煙韌遊街。
李思欣及蔡淇俊曾合作《四葉草2》，甚為老友的兩人相約慶祝聖誕，提到新年願望，單身的思欣即表示想拍拖，阿俊則想工作量增加：「希望繼續有多啲劇拍，再提名飛躍獎！」兩人甫見商場的得意Bear Bear布置，即童心未泯四圍拍照，其後更貪玩地模仿「咀嘴公仔」扮錫錫，莫非恨拍拖的思欣想找好友暫做「愛的替身」？其後他們更交換禮物，場面溫馨，不過玩完一輪，思欣即「割蓆」：「我哋太老友！唔會過電！」
瞓醫院倒數
提到難忘倒數經歷，思欣表示十年前踏入千禧一刻，她竟病倒要睇急症，其後更病足數天：「當晚我仲要嘔，人哋開心倒數，我就瞓醫院！」其實我最重視就係聖誕，因為上兩次拍拖都係異地戀，好珍惜聖誕同新年假期，可以見到男友嘛！」
難忘初戀情
阿俊則難忘16歲時初戀的純純往事：「我送咗隻人咁大嘅公仔畀女友，一路行街，我覺得幾威架！（二人世界？）冇呀！成晚都好多朋友做電燈膽。」兩人又表示將來若拍拖都不介意公開，因現在的fans喜歡坦白，思欣說：「想同男友大方拖手行街，當然唔會做啲太過火嘅嘢！」
文、攝：立影 場地：葵芳新都會廣場