高海寧食住上搵銀
最近高海寧與「少年食神」林澄光傳出緋聞，「咪神」強調自己依然「Available」，坦言與「少年食神」沒有Feel，對緋聞一笑置之當是宣傳，反而因此多了有關飲食的搵真銀機會。
高海寧最近因拍攝飲食節目《為食一條街》而與「少年食神」林澄光傳緋聞，她對緋聞否認更一笑置之當作宣傳。問高海寧可喜歡識飲識食的男士？她說：「唔會為自己定下條件，要睇有冇Feel，同佢冇Feel只係工作上嘅拍檔，大家努力開工只係想做好節目。」問到可擔心緋聞嚇走追求者？她說：「唔會，如果真係有心追我就要有誠意喇，少少緋聞唔係咩障礙。」
聖誕節陪家人
「咪神」強調自己「Available」又會否趁聖誕節去派對結識異性呢？她笑說：「不嬲都唔去Party，亦冇人約我，熟我嘅朋友都知我唔鍾意去，我又唔飲酒，去到我怕悶親人呀。同埋我覺得喺呢啲場合識到嘅男仔唔係咁穩陣，睇緣分、隨緣啦。」又指會趁聖誕節陪伴家人，齊齊在家溫馨過節。
肥十磅要修身
實際上《為食一條街》出街後，高海寧新聞多多自然水漲船高，有關飲食的搵真銀機會接踵而來，她說：「可能啲觀眾鍾意睇我食嘢，但係拍完節目都肥咗十磅，呢個聖誕節唔可以放肆，要減食、跑步、做瑜伽減肥。」
採訪：影視組 攝影：沈健程
服裝、場地：Miss Sixty