黎耀祥囝囝拒要細佬妹
黎耀祥與太太昨日亮相迪士尼樂園，與基層單親家庭小朋友預祝聖誕，祥仔被問到會否趁聖誕送兒子一個細佬或細妹，他笑言：「我個仔五、六歲時，我都會諗追多個仔或女，但追唔到，冇得強求，何況我個仔依家都讀中學啦，有自己朋友同世界，佢話明唔想要細佬、細妹。（知唔知兒子有冇拍拖？）唔知，由得佢自由發展，唔想干涉太多，專心讀書當然好啦，即使有拍，希望有正確觀念，唔好學壞就OK，根本唔到你監管，希望佢生性就OK。」
祥仔談到是否享受與太太一同工作，他說：「冇話享唔享受，我冇乜所謂，最緊要睇場合，啱場合嘅，我絕對唔介意同太太一齊出席。（酬勞多啲？）我太太又唔係藝人，係義工嚟咋，求其搵啲車馬費。」
此外，祥仔回應吳國敬持刀恐嚇鄰居被捕，他說：「我同佢十幾年前合作過電視電影，之後好少撞到，但有邊個冇同鄰居嘈過交？會唔會藝人身份令件事被大肆報道？」