鄧萃雯視后出手播愛心
成功連任「視后」的鄧萃雯（雯女），在聖誕傳大愛，宣布新一年會減產，借名銜多做公益事起帶頭作用，她坦言攞了獎不應只問為她帶來了甚麼，而是她應藉此回饋社會。
雯女日前到「扶康會」與一班智障小朋友及精神病康復者學整曲奇，「九姑娘」甫進入工場即感受到歡樂氣氛，小朋友熱心地教她整餅，當被問到為何不見陳法拉、黎耀祥同來，雯女不禁哈哈大笑！席間小朋友友善親熱地拖着她，令雯女感受到簡單、直接又純真的愛。
事後雯女說：「佢哋對人好純真、單純，相反我哋大人咪仲可悲，鍾意咪鍾意囉，佢哋教識我應該直接表達，唔好等亦唔需要太多包裝！」
關懷弱勢社群
談到新年願望，雯女謂將會減少拍劇，抽更多時間做公益事關注弱勢社群，她說：「珍惜家人、朋友我已經做咗，早前同親人去咗廣州旅遊，愛家人都好重要，唔能夠被事業沖昏頭腦，我想借『視后』個名銜做啲嘢，引起回響，所以唔好問我攞咗視后會唔會加價喇，唔應該問視后帶咗啲咩畀我，應該係我回饋啲咩畀社會。」
與智障童整餅
在普天同慶的日子，雯女專誠與智障小朋友及精神病康復者齊齊預祝及整餅，目的是提醒大家聖誕禮物還有很多好選擇：「佢哋啲曲奇有得賣又可以訂，幫襯佢哋買曲奇即係接納佢哋，呢份禮物好過啲物質嘢啦！」
文：影視組 攝：劉智源