趙碩之諗起溫柔打冷震
趙碩之、羅霖及黃麗梅為飲食節目《上海好味道》擔任主持，昨天三人出席宣傳活動時，趙碩之「瞓身」學包小籠包令現場升溫。趙碩之透露為此節目到上海進行拍攝時，遇到「中國茶宴第一人」劉秋萍，更大讚對方烈女：「我好崇拜佢，（自己烈唔烈？）冇佢咁烈囉，佢真係好叻。（唔驚烈女嫁唔出？）唔會嘅，我諗我遇到the one嘅時候就會識溫柔，不過依家未遇到，所以諗起自己會溫柔都打冷震！」
向來愛吃的趙碩之更透露於上海大飽口福：「我去到上海真係一日食成四、五餐。最難忘係有一晚食完個好正嘅大閘蟹宴之後，再去食全上海最名貴嘅火鍋，要成萬蚊架，我仲肥咗5磅返嚟。」
