城城過節唔預熊黛林
郭富城昨日為二十周年紀念專輯舉行記者會，周杰倫、羅志祥、李嘉欣和古巨基拍短片祝賀。城城表示日前剛從北京返港，趕及與母親做冬至。問是否一個人與母親過節？城城謂：「唔係！（同熊黛林？）我係指家姐同屋企人。（點解唔約熊黛林？）我都係突然先知返到嚟香港，我都以為返唔到嚟，所以都斬咗料返去。」問到會否送專輯給熊黛林？他笑言：「你哋問佢囉，我唔知，支持我嘅朋友都會自己買。」
另外，城城於新片的牛魔王造型曝光，被指是史上最靚仔的牛魔王，城城對此說：「我好謙虛嘅！（你要求冇大鼻同鼻環？）梗唔係啦，係荷里活化妝師設計，就如甄子丹嘅孫悟空造型都有別以往大家所見嘅。」
