陳豪甩拖享受多女爭

剛失戀的陳豪（阿Mo）前晚跟邵美琪、陳茵媺（Aimee）及趙希洛於電視城為《心戰》拍外景，被指「姣溝」陳豪的趙希洛明顯有所避忌，當要求她跟阿Mo等人合照時更尷尬閃開。

承認曾與舊愛見面

問到與趙希洛見面有否感到尷尬？阿Mo說：「點會呢？成部戲都一齊拍，我依家唔搞緋聞，要寄情工作，專心做嘢。（有冇喺化妝間撞過碧兒？）冇。（佢話有喎！）之前有。（去到化境視而不見？）嘻嘻……（件事好煩？）冇乜，希望件事快啲平息。」

有傳廖碧兒暗示阿Mo放料，他坦言只想事件盡快過去，不想詳細解釋。他說：「算啦！畀啲空間我同佢繼續生活，呢件事唔再回應喇。」不過當他得悉自己成為一眾女士心目中的「筍盤」時，阿Mo即開心地稱多謝支持，並強調現要專心工作。

雖然趙希洛不肯與陳豪合照，但兩人拍攝時沒有尷尬。

廖碧兒搭上富家子即形象受損。

陳茵媺培養兄妹情

此外，經常與「筍盤」一齊開工的Aimee，問到會否考慮阿Mo做男友？她笑謂：「阿Mo喺劇裏面係我哥哥，唔好搞亂關係。不過佢好有風度，教我好多嘢。（佢有冇嘢吸引到你？）我哋要培養兄妹情。（係咪完咗套劇再諗？）佢係好好嘅師兄！」雖然阿Mo甩拖後被指面容憔悴，但Aimee撐他只因角色需要，絕不是為情所困。

文：影視組