周秀娜：佢飛嚟餵飽我
因拍電影而成好友的周秀娜與沈志明，早前被拍得親密逛街而傳出緋聞，未知是否娜姐男友擔心正印地位不保，特別於聖誕節陪女友到台灣工作，娜姐更表示：「佢驚我喺台灣偷食，專登飛嚟餵飽我！」
「性感女神」娜姐與「萬寧哥哥」沈志明傳出緋聞後，據知娜姐的髮型師男友Avis擔心地位不保，寧願捨棄聖誕節黃金搵錢機會，做跟得男友陪娜姐飛到台灣工作。娜姐接受本報專訪時笑言：「係呀，佢驚我喺台灣偷食，專登飛嚟餵飽我！」
聖誕真空大放送
其後娜姐解釋男友知她早前拍戲時「冇啖好食」，故此才陪她到台灣食盡當地美食。她又向男友大派定心丸：「好開心男友過台灣陪我，佢喺我身邊已經係我最好嘅聖誕禮物。」
另外，娜姐前晚真空上陣出席新片《婚前試愛》首映禮，她笑言自己是「聖誕真空大放送」。娜姐與羅仲謙即場獲贈多個安全套，她說：「我自己向來都好安全嘅，如果男友有需要都會畀佢，不過唔會數住幾多個，唔怕佢偷食。（平日有冇放喺袋？）冇，不過依家有咁多，睇下有冇需要。」而演員方皓玟為宣傳電影，在台上語出驚人：「睇完《婚前試愛》，不如直接做愛啦！」語畢後全場嘩然，而身邊的洪天明亦作狀跪拜，佩服其敢言，場面搞笑。
楊梓瑤疑似凸點
同場的「浸大E神」楊梓瑤（Carol）在片中可謂搏到盡，繼早前曝光的性感床戲劇照，原來Carol更有疑似凸點的場口。記者就此事致電Carol，她謂：「我當日有貼乳貼打底，仲記得係助手幫我貼，我暫時都接受唔到真空演出，可能係當日現場燈光啲光暗位啫。」
首映結束後，導演葉念琛與一眾演員打邊爐慶功，葉念琛指預售情況理想，揚言若票房過千萬會再搞慶功。娜姐更豪言若票房勝過《哈利波特》，便會與沈志明及羅仲謙在鬧市穿比堅尼行騷。
文：影視組