BIG FOUR齊撐人緣好
吳國敬涉嫌與鄰居發生爭執，據知昨日他上廣州，準備為許志安、梁漢文、張衞健和蘇永康今晚舉行的演唱會擔任嘉賓，昨午記者聯絡了張衞健，他力撐阿敬是好好先生，為人唔火爆，只是愛唱rock歌：「佢人緣好好，除咗曾志偉之外係最好一個，佢仲係我恩人，自己有段時間經濟差問佢借錢，佢將成副身家一半借畀我。」
而安仔在綵排時接受記者電話訪問，他說：「好愕然！依家未見到阿敬，識佢咁多年，唔係火爆嘅人，平時鍾意同人講笑，對人有禮貌，相信件事係一場誤會。（擔心佢？）相信咁大個人識處理。」而梁漢文則說：「今晚見到佢會了解吓，梗係有啲擔心，應該冇事嘅，佢唔係暴躁嘅人。」